Veqanizmin ətraf mühitə faydaları

Bir çox insanlar veqanizmin onların həyatındakı qida təsirini bilir, lakin onlar bu praktikanın ətraf mühit üzərində hər hansı bir dəyişiklik edə biləcəyini düşünməmiş ola bilərlər. Gəlin veqanizmin ətraf mühiti yaxşılaşdırması və qorumasının 6 ən önəmli cəhətinə baxaq.

      1.      Şirin su imkanlarını artırır

Siz bilirsinizmi yalnız 1 funt (0.45 kq) mal əti istehsal edərkən, istehsalın əvvəlindən sonuna qədər 2.400 qalon (1 ingilis qalonu= 1.20095 litr, 1 ABŞ qalonu= 0.832674 litr) su tələb olunur? Mal-qara digər canlılardan daha çox suya ehtiyac duyur və onlar qarşısını ala bilməyəcəyimiz çox miqdarda tullantı hazırlayaraq suyu çirkləndirir.  

Digər tərəfdən, 1 funt buğda üçün sadəcə 25 qalon su tələb olunur. Bəzi sadə riyazi hesablamalar qida istehsalçıları və istehlakçıları arasında dəyişikliyə böyük ehtiyac olduğunu göstərir. Bütün dünyada yüz milyonlarla insan üçün təmiz suyun əlçatan olmaması, quraqlıq və su qaynaqlarının düzgün idarə edilməməsi daha çox su qıtlığı yaratdığında dəyişiklik edilməsi vacibdir. əgər mal-qaranın yerinə bitkilər əkilsə, bizim hər kəs üçün daha təmiz suyumuz olar.

      2.      Hava təmizliyi

Biz planetdəki CO₂ emissiyası və kirlənmə nəticəsində yaratdığımız təxribatdan agahıq. Lakin, fərqində olmadığımız nəhəng hava kirliliyi mal-qaradır. Böyük miqdarda su tələbatı ilə birlikdə mal-qara, həmçinin atmosferə bütün nəqliyyat növləri və ya insan tərəfindən atılan CO₂-dən daha çoxunu atır. BMT-nin Əzaq və Kənd Təsərrüfatı təşkilatının hesabatına görə bütün dünyadakı mal-qara istehsalı insanın istixana effektinin 18%-ni təşkil edir. Bu insana məlum olan hər hansı bir səyahət formasından daha çoxdur. Medalyonun digər tərəfindən bitkilər havanı təmizləyir ki, bu da emissiya yaradan mal-qaranın ətraf mühitə təsirinə ciddi dəyişiklik edəcəkdir.

      3.      Enerji istehlakını azaldır

Heyvandarlıq istehsalında lazımsız enerji istehlakı bir sıra kombinasiyalı faktorla bağlıdır. Bir heyvanın yetışdirilməsi bir gecədə baş vermir, onları ət kimi istifadə edənə qədər uzun vaxt tələb olunur. onların həyat müddətlərində, ferma heyvanları dəyərli torpaqlarda yetişən qida tələb edirlər. Həm torpaq həm də qida daha dayanıqlı məqsədlər üçün istifadə edilə bilər. Daha sonra, ət məhsullarının istehlakçıya çatana qədər daşınması və soyudulmasına ehtiyac var. Kəsmə otağından kiminsə süfrəsinə çatana qədər ətin istehsalı və emalı uzun vaxt tələb edir. Bitki əsaslı protein ət əsaslı proteinə nisbətən təxminən 8 dəfə daha az enerji istifadə edərək alınır.

      4.      Torpaq keyfiyyətini artırır

Öz səhvləri nəticəsində heyvandarlıq torpağı zəiflədir və aşındırır. Meşəsizləşmə adətən daha çox ət ehtiyacımızın nəticəsidir. Ferma heyvanlarına daha çox yer açmaq üçün hər dəqiqə 7 futbol meydançası qədər ərazini buldozerləyirik, həmin ərazini doldurmaq üçün isə planetin torpaq kütləsinin 30%-ni istifadə edirik - Asiyanın ərazi ölçüsünü düşünün. Bu prosesdə təmizlənən ağaclar torpağa davamlılıq və qidalılıq vermir. Ət əvəzinə müxtəlif bitkilərin yetişdirilməsi torpağı qidalandırır və daha uzun müddət dayanıqlı edir. Nəticə etibarilə, daha çox bitki vvə daha az heyvan dünyada daha sağlam torpaq yaradacaqdır.

5.      İnsan sağlamlığını gücləndirir.

Sirr deyil ki, insanların ömür boyu saysız sağlamlıq problemləri var. Biz xərçəng, ürək xəstəlikləri, diabet, infarkt və digər xəstəliklərlə bağlı narahar oluruq. Bu gün, qida sektorunda insanların böyük faizi işlənmiş ət və konservantların, şəkər və digər kimyəvi maddələrin əlavə olunduğu pəhrizlərdən istifadə edirlər. Veqanlığa keçişin avtomatik olaraq sağlam bir pəhriz olacağı tam bəlli olmasa da, dəyişiklik qida keyfiyyətini yaxşılaşdıracaqdır. Bir çox insan bunun kimi yeni bir qida rejiminə keçərsə sağlam pəhriz etməyəcəklərinə görə narahatdırlar, lakin veqanizm doğru edildikdə insanın ehtiyacı olan bütün qida maddələrini özündə cəmləşdirir və bizi sağlam saxlayır. Təzə meyvələr, tərəvəzlər, mərci və digər veqan qidalar pəhrizimiz üçün çox vacibdir. Ət və ət məhsullarından imtina insanların unutduqları kritik qidaları xatırlamağa kömək edəcəkdir. Veqanlığın sadəcə ətraf mühitə köməyi dəyməyəcək, həm də daha əvvəl yeməyi düşünmədiyiniz yeni qidalar tapmaq üçün əyləncəli bir müddət ola biləcəyini qeyd etmək lazımdır. Yeni və həyəcanverici menyular, bişirmə seçimləri sizi daha yaxşı bir aşpaz edə bilər.

      6.      Bütün canlılara etik davranışı təmin edir.

Planetdə hörmətli davranış görmə haqqı olan yeganə canlı insan deyil. Heyvanlar da eyni davranış haqqına malikdirlər. Onlar mülayim, hiss edən və insanların hesab etdiklərindən daha ağıllıdırlar, nə baş verdiyini anlayırlar. Bir çox insan razılaşar ki, hər hansı bir canlının doğulandan ölənə qədər əziyyət çəkməsi doğru deyil, bu hal istehsat tipli fermalarda doğulan heyvanlar fərqli deyil. İstehsal olunan ətin çoxu hər həftə qida rasionunuzdan bir neçə ət məhsulunu çıxarmaqla da vuruşa biləcəyiniz qorxunc həqiqətdən irəli gəlir. Yemək vərdişinizin bu planeti paylaşdığınız hər insan və digər canlı üçün daha etik və mehriban olduğunu bilərək ətraf mühiti inkişaf etdirəcəksiniz.

Veqanlığa keçin və dünyanı yaxşılaşdırın

Doğru seçim aşkardır. Veqanlığa keçid etməyə başlasanız ətraf mühitə və onun bütün sakinlərinə daha yaxşı davranmış olacağınızı bilirsiniz. Bu dəyişikliyi daha sağlam, daha təmiz vicdan, daha dayanıqlı və daha yaxşı həyat üçün edin.

Mənbə: greentumble.com

Tərcümə edən: Qəndab Məmmədova