Ernest Callenbach “Natural History Guide” dərgisinin redaktorudur, Ekotopiya (1975) əsərinin müəllifidir.
Mənbə: Ecology: A Pocket Guide, revised and expanded, University of California, 2008, p 42-45
Tərcümə edən: Araz Əliyev
Bu günlərdə hamımızın
ekologiyanın nə olması ilə bağlı az-çox müəyyən fikri var. Bunun insanların təbiət üzərindəki
təsirləri ilə əlaqəli bir şey olacağını düşünürük. Əslində isə ekologiya
canlılar və ətraf mühit arasında bütün münasibətləri araşdıran bir elm sahəsidir.
Həyatın sirkulyasiyası (dairəvi döngüsü)
içərisində müəyyən funksiyaya malik olan qayalar və hətta hava belə
ekologiyanın maraq dairəsinə daxildir. Ekologiya fizikada və kimyada olduğu
kimi başa düşülən səbəb və nəticə ələqləri ilə deyil, sistemlər, şəbəkələr, tarazlıqlar,
dairəvi döngülərlə işləyir.
Ekologiyanın məqsədi sadəcə olaraq canlı sistemlərini hissələrinə ayıraraq araşdırmaq deyil, eyni zamanda onların bütöv şəkildə funksiyalarını anlamaqdır. Ekoloqlar bir soxulcanı araşdırdıqları vaxt onu əhatələyən hava, torpaq, bitkilər, cansız maddələr rəqabət içində olduğu növlər, ovçular, fərqləndirici orqanizmlər, nəm və digər ünsürlərdən meydana gələn ekosistem içərisindəki funksiyalarını anlamağa çalışırlar.
Ekologiyanın məqsədi sadəcə olaraq canlı sistemlərini hissələrinə ayıraraq araşdırmaq deyil, eyni zamanda onların bütöv şəkildə funksiyalarını anlamaqdır. Ekoloqlar bir soxulcanı araşdırdıqları vaxt onu əhatələyən hava, torpaq, bitkilər, cansız maddələr rəqabət içində olduğu növlər, ovçular, fərqləndirici orqanizmlər, nəm və digər ünsürlərdən meydana gələn ekosistem içərisindəki funksiyalarını anlamağa çalışırlar.
Ekologiya ilk vaxtlarda fərqli
növlərin nüfuzlarının necə artıb azaldığını araşdıran fəaliyyətlərə verilən ad
idi. Bilinən köhnə modelə əsasən, tülkülərin sayının ovladıqları dovşanların
sayları çox olduğu zaman artdığı, yetəri qədər olmadığı zaman isə azaldığı
yönündə idi. İki növ arasındakı münasibətləri nəzərdən keçirən bu cür modellər
müdaxilə edilmiş hallar və bəzi labaratoriya təcrübələri üçün uyğun idi. Riyazi
dəqiqliyə malik olan bu modellərdə ətrafdakı proseslərin əks reaksiyası (feedback) nəzərə alınmadığından, təsadüfi
olanlar da daxil olmaqla digər bir çox ünsürə bağlı olan gerçək
populyasiyaların ilk baxışda gözə çarpan dəyişkənliyi hasablana bilmirdi. Eyni
zamanda bu sitem bir çox ekosistemin nisbi sabitliyini izah etməkdə də yetərsiz
idi.
Sahə ekoloqları
canlıları təbiətdəki vəziyyətləri ilə anlamağa çalışırlar və bu da çətin və
qarışıq işdir. Buna rəğmən orqanizmlərin öz qidalarını necə əldə etdiyi,
istehsal etdiyi və çətin şərtlərdə necə
həyatda qaldıqları ilə əlaqədar təsirli və təəccübləndirici kəşflərə
də imza atılmışdır. Eyni zamanda, GAİA nəzəriyyəsi[1]
ilə bağlı məlumatlarımız artdıqca orqanizmlər və ətraf mühit arasındakı əlaqəni
konseptləşdirə bilirik. Məsələn, bu gün atmosferin istilik dərəcəsinin həyatın
davam edə biləcəyi aralıqda qalmasında karbon dioksit sirkulyasiyasını yerinə yetirən
bakteriyalar, tək hüceyrəli canlılar, göbələklər, heyvanlar və bitkilərlə
birlikdə karbon toplayan əhəng daşının da həyati əhəmiyyətə malik olduğunu
bilirik. Bu daşlar keçmişdəki biosferin qalıntılarıdır və özləri cansız olsalar
da həyatla görünməz bağlara malikdir.
Son illərdə ekologiya
elmi bizim digər canlılarla olan münasibətlərimiz və ekoloji proseslərə get-gedə artan müdaxilələrimiz
haqqındakı araşdırmaları da əhatə etməyə başlamışdır. Bunun nəticəsində bəzən
Amerikan hindularının düşüncə formasından ilham alan fəlsəfi və siyasi yanaşmalar
ortaya çıxmağa başlamışdır. Bu yanaşmalar elm olaraq adlandırılmasalar da bəzi
elmi faktlara əsaslanır.
Dərin ekologiya adı verilən
hərəkat canlılar aləmi ilə münasibətlərimiz üçün bələdçi olaraq mənəvi və dini özünüdərki
vurğulamaqdadır. Tərəfdarları, Dərin ekologiyanın yanaşmasını saf təbiəti
qorumaq, kirliliyi ən az səviyyəyə endirmək və ya təsirləri bir az daha
azaltmaq üçün süni olduğunu düşündükləri cəhdlərlə müqayisə edirlər. Dərin
ekologiyanı dəstəkləyənlər bu prinsipləri hərəkatlarının əsasını təmin edəcək şəkildə
müəyyənləşdiriblər:
·
İnsanların və insan olmayanların həyatının, həyat
formalarının zənginliyinin və müxtəlifliyinin özünəməxsus dəyəri var.
·
“Həyati önəmə malik insan ehtiyaclarını
qarşılamaqdan başqa” insanların bu növ müxtəlifliyini azaltmaq haqqı yoxdur. Bu
səbəbdən insanların insan olmayanların dünyasına qarşı mövud müdaxiləsi həddindən
artıqdır və bu məsələdə təməl və geniş əhatəli dəyişikliklərin olması gərəklidir.
·
Ekoloji təsirlərini yumşaltmaq üçün insan
populyasiyasının azalması lazım olsa da, mədəniyyət yenə də inkişaf etməkdə
davam edə bilər: beləliklə, istehlak səviyyəsi yerinə “həyat səviyyəsi”ni yüksəldə
bilərik.
·
Və eyni fikirdə olan insanlar bu düşüncələr
haqqında danışmaqla yetinməyib, eyni zamanda şəxsi və siyasi həyatlarında ifadə
etməyə cəhd göstərməlidirlər.
Dərin ekologiya nəzəriyyəçiləri
“həyati önəmi olan ehtiyaclar” ifadəsində çox çətinliklərlə qarşılaşmışdır.
Uzun perspektivdə (təbii ki, qorxunc və dəhşətli zərərlər verildikdən sonra) təbiət
digər növlərə etdiyi kimi ehtiyaclarımızın əslində hansı səviyyədə təmin edilə
biləcəyini bizə göstərəcəkdir. Dərin ekologiya tərəfdarlarına görə isə bizim də
bu əsnada hansı ehtiyaclarımızın daha önəmli olduğuna qərar verməyimiz üçün
beyinlərimizi və əxlaqi dəyərlərimizi istifadə etməyimiz gərəklidir. Hakim olan
Amerikan fərziyyələrinin əksinə olaraq, kondisionerli, yüksək at gücünə malik və
daha artıq yanacaq istifadə edən maşınların həyati önəmə malik olub olmamasını
bu maşınların yaratdıqları təsirləri nəzərə alaraq sorğulamağımız lazımdır.
İstehlak vərdişlərini yenidən nəzərdən keçirməyə kömək etməsi üçün Dərin
ekologiya tərəfdarları gündəlik həyat bələdçisi
kitabları yayımlayır. Onlara görə, insanlar əsas dəyərlərini sistemlər (ailələri
ilə, dostları ilə və digər qrupalarla s.) və insani münasibətlərə, təbiətdən
zövq almağa, incəsənətdə, musiqidə, rəqsdə, elmdə və mənəvi aləmdə inkişaf etməyə
yönəldərsə və maddi varlıqlara daha az maraq göstərərsə, daha zəngin və xoşbəxt
həyat sürə bilər. Dərin ekologiyanı dəstəkləyənlər korporativ qlobalizasiyaya[2]
qarşı aparılan kampaniyaların da öndərliyini etmişdir.
İctimai
ekologiyanın müdafiəçiləri isə daha çox siyasi və ictimai məsələlərlə əlaqəlidirlər.
Xüsusilə də müasir qlobal qrumlar başda olmaqla demokratik olmayan, avtoritar
ictimai qurumlar tərəfindən şəkilləndirilən insan davranışlarının dünya üzərindəki
təsirlərini araşdırırlar. Bu yanaşmaya görə şirkət sahibləri öz hissədarlarının
gəlirlərini ən yüksəyə çatdırmaq məcburiyyəti səbəbindən fəaliyyətlərinin
insanlar və ekosistemlərə olan təsirlərini göz ardı etməyə məcbur qalmışdır. Ən
xoş niyyətli idarəçilər belə öz peşələrində yüksəlmək, ən azından işdən
qovulmamaq üçün şirkət qaydalarına əməl etməyə məcburdurlar. Bu səbəblə də meşələrin, əkin sahələrinin,
balıqçılığın, atmosferin və insan həyatının məhv olması bu şirkətlərin fəaliyyətinin
nəticəsidir. Lakin onlar razılaşmaları və
qaydalarından dolayı hər hansı hüquqi və yaxud da maddi məsuliyyəti qəbul
etmirlər.
İctimai səbəbləri olan
ekoloji problemlərin həlli də ictimai olmalıdır. Bu səbəblə İctimai ekoloqlar şirkətləri yönləndirəcək təməl iqtisadi
qaydalar dəyişmədiyi müddətcə saf sahələri və təhlükə altında olan növləri qorumaq,
istehlakı azlatmaq, tullantıları yenidən istehsal etmək və ekoloji məsuliyyətə
sahib həyat sürmək istiqamətindəki cəhdlərimizin nəticəsiz olduğunu ifadə edirlər.
Onlara görə, məhz bu səbəblə ilkin iş siyasidir. Ucuz və sağlam qida, təmiz hava və su, və bu
ehtiyacları müdafiə etmək üçün gərəkli olan demokratik haqlar uğrunda mübarizə
aparmaq üçün həm nisbi olaraq zəngin (və get-gedə artan yoxsul insanların
olduğu) və sənayeləşmiş “Şimal”, həm də nisbi olaraq yoxsul (az miqdarda zəngin
insanın olduğu) “Cənub” ölkələrindəki
insanların hərəkətə keçməsi vacibdir.
Mahiyyətində zərər verici olan bu şirkət quruluşunun saxlanmasında israr
edərsək, bütün insanların haqqı olan bu ehtiyaclar heç vaxt təmin olunmayacaq.
Ekofeminizm İctimai Ekologiya və Dərin
Ekologiya bir çox məsələdə eyni fikirləri
paylaşır, amma təbiətin kişi-hegemon istismar forması ilə kişilərin qadınları istismar
etməsi arasındakı paralelliyə diqqət çəkir, patriarxal qurum və yanaşmalardakı
bir çox dağıdıcı fəaliyyəti qeyd edirlər. “Göy tanrılı”[3]
patriarxal dinlərdən daha əvvəlki dönəmlərə aid yer mərkəzli qadın tanrılı dinlərin
yer aldığı qadın tarixinin, davamlılığının quyusunu qazan kişi davranışına yönəlmiş
islah edici xüsusiyyətlərə malik olduğunu qeyd edirlər.
Bu üç yanaşma açıq aydın
ziddiyyətli və bir-birini inkar edən mövqelərdə deyillər. Əslində bu üç yanaşma
da mahiyyətdə bir-biri ilə bağlantılıdır. Bu anda ekoloji zərərləri ən aza
endirmək üçün çalışarkən, bir tərəfdən də gələcəkdəki təməl siyasi haqlar və bərabər
ictimai münasibətlər üçün çalışa bilərik.
[1] GAİA nəzəriyyəsi adını Yunan yer tanrısı olan Gaiadan alır. Bu nəzəriyyəyə
görə dünyadakı hava, okeanlar, bütün yeraltı sular, canlı organizmlər bir-biri
ilə fiziki olaraq əlaqəlidir, hər biri digərini tənzimləyir. Dünyanın yaşanıla
bilən, suların zəhərsiz, havanın nəfəs alınacaq, temperaturun normal olması həyatın
inkişafı və maddələr mübadiləsi tərəfindən tənzimlənir.
Комментариев нет:
Отправить комментарий