Geodeziya - torpaq yeri, onun ölçmə metodları haqqında bir
elmdir. Geodeziya insan fəaliyyətinin praktik bir qolu kimi formalaşdı və qədim
dövrlərdən bəri istifadə olunur. Zamanla gələn bacarıqlar təcrübə və davamlı
biliklərə keçdi. Ancaq bu bilik sistematik inkişaf etməmiş, həmişə strukturlu
deyildi və əgər belə demək olarsa nəzəriyəqədərki formada idi. Qədim
Yunanıstandan başlayaraq ümumi ilkin biliklər əsasında ilkin elmi qaydaları
meydana gəlməsini əvvəlcədən müəyyən edən mücərrəd və nəzəri düşüncə yaranır.
Bunlardan birincisi, yerin ölçülməsi haqqında biliklər əsasında yaranan həndəsə
elmidir. Təbii ki həndəsəni, illərlə tərifini dəyişəcək gələcək geodeziya
elminin atası adlandıra bilərik.
Riyaziyyat
elminin ortaya çıxması müşahidələr metodları və riyazi abstraksiyalarla yeni
anlayışlar irəli sürməyə, onlardan aksiomalar çıxarmağa, bunun əsasında digər
yeni mövqelərin və anlayışların məntiqi düşüncə ilə əsaslandırılmasına imkan
verdi. Beləliklə də, geodeziyada bütün hesablama proseslərini təmin etmək üçün
gələcək “riyazi aparat” meydana çıxmağa başladı.
Geodeziya
sözü öz mənşəyini Qədim Yunanıstandandan götürüb və iki hissədən ibarətdir:
"Geo" - "yer", "daesio" - "bölmək". Hərfi
tərcümədə "torpaq yerinin ayrılması" alırıq.
Maraqlı faktlar və
geodeziyanın inkişaf mərhələləri
Pifaqor |
Planetimizin sferik forma olması modelini irəli sürən ilk insan qədim yunan riyaziyyatçısı və filosofu Pifaqor idi (e.ə. 570 - 490). Gün ərzində Yerin öz oxu ətraında və bir il ərzində Günəş ətrafında fırlanması barədə fikri Polşa astronomu Nikolay Kopernik (1473-1543) tərəfindən elmi şəkildə təsdiqləndi. Onun heliotsentrik sistem haqqında doktrinası öz sahəsində ilk elmi inqilabın idi. (red. O dövrə kimi xristian kilsəsi və ümumiyyətlə hakim inanac bundan ibarət idi ki, yer mərkəzdədir və onun ətrafında günəş də daxil olmaqla digər səma cisimləri fırlanır, yəni geosentrik və ya yermərkəzçi sistem. Ondan da əvvəl Yerin düz olması fikri əsas idi.)
Kopernik |
Görkəmli
hadisələrdən biri də fars astronomu, riyaziyyatçısı, tədqiqatçısı və filosofu
Əl-Biruninin (973-1048) fəaliyyəti hesab edilməlidir. O, geodeziya sahəsində,
Yerin radiusunu təyin etmək üçün hesablamalar apardı. Əl-Biruni, uzunluğu
110,278 km olan 32 paralel şimal enliklərində bir dərəcə bucaqlı bir meridianın
qövsünün uzunluğunu təyin edərkən heyrətləndirici hesablama nəticələrini əldə
etmişdi. Müasir ölçmələr ilə 110.895 km xətti qövs dəyərləri əldə edildi. (red.
o dövrün hesablama alətlərinin indikindən qat-qat zəif və xəta payının yüksək
olmasını nəzərə alsaq, möcüzəvi dərəcədə dəqiq göstəricidir)
Əl-Biruni |
Yerin
forma və ölçülərinin müəyyənləşdirilməsində bu parlaq nəticələr, onun səthindəki
ölçmələr geodeziyanın inkişafının ilk dövründə alimlərin tədqiqat mövzuları ilə
xarakterikdir.
Geodeziya
elminin təkamülündə ikinci mərhələnin başlanğıcı dəniz səyahətlərinin və
coğrafi kəşflərin dövrü hesab olunur: Xristafor Kolumb tərəfindən Amerikaya
dörd ekspedisiya (1492-1504), Hindistana üç dəniz səyahəti edən Vasko da Qamma
(1497-1524) və dünya ətrafındakı səyahəti ilə Fernand Magellan (1519-1522).
Bu dövrdə
geodeziyada ən vacib ixtiralar meydana gəlir:
·
italyan
Galileonun müşahidə borusu (1609);
·
holland
Sneliussun trianqulyasiya metodu (1614);
·
fransız
Picard tərəfindən cihazlarda iplər şəbəkəsinin ilk istifadəsi;
·
qütblərin
sıxılmasının nəzəri cəhətdən əsaslandırıldığı və miqdarıın təyin olunduğu
ingilis Nyutonun elmi işinin işıq üzü görməsi.
Üçüncü
dövr bir çox geodeziya vəzifələrinin həlli ilə xarakterizə olunur:
v Yer ellipsoidinin ölçülərini
tapmaq;
v geoid müəyyən olunması;
v ölçülərin müxtəlif ən az kvadrat
üsullarla riyazi işlənməsi;
v yeni geodeziya alətlərinin,
geofizika, qravimetriya elmlərində yeni sahələrinin meydana çıxması;
v Yer kürəsinin fiziki səthinin
formasını müəyyənləşdirir.
Müasir
dövrdə geodeziya sənayesində əhəmiyyətli bir irəliləyiş peyk texnologiyalarının
istifadəsi, qlobal naviqasiya yerləşdirmə sistemlərinin, yeni fiziki ölçmə
metodlarının, coğrafi məlumat və kompüter sistemlərinin meydana çıxmasıdır.
Geodeziya nəyi öyrənir?
Müasir
geodeziya özlüyündə, elm və təhsil əlaqələri, istehsal və texnoloji proseslər nəticəsində
fiziki və hüquqi şəxslər, dövlət qurumları və müxtəlif təşkilatlar arasında Yer
səthinin öyrənilməsi, istifadəsi nəticəsində yaranan çoxşaxəli bir sahədir.
Geodeziya
elminin öyrəndiyi mövzular aşağıdakılardır:
Ø ölçülərini dövri olaraq müəyyənləşdirməklə
Yerin forması;
Ø ölçmələri yerinə yetirməklə Yerin
fiziki səthi;
Ø yer səthində baş verən geodinamik
proseslər;
Ø Yerin cazibə qüvvəsinin müxtəlif
nöqtələrdə dərəcəsinin təyin edilməsi;
Ø çox yönlü sistemli planetar problemlərin
həlli üçün vahid məkan mövqeyi üçün tələb olunan nöqtələr və istinad sistemlərinin,
dövlətin və planetin bütün ərazisi üzrə koordinatların yaradılması;
Ø yer səthində koordinat sistemləri
birliyinin formalaşması üçün geodeziya şəbəkələrinin qurulmasının riyazi
metodları;
Ø geodeziya ölçmələrinin fiziki və
riyazi üsulları;
Ø sahə ölçmələrinin işlənməsi üçün
riyazi metodlar və onların nəzəri bərabərliklərin hesablaması.
Geodeziyanın əsas vəzifələri
Vahid təsərrüfat
subyektini, iqtisadiyyatın hər hansı bir sahəsini onlarda praktik geodeziyanın
iştirakı olmadan təsəvvür etmək mümkün deyil. Düzünü desək, onların çoxu belə
bir əlaqədən xəbərsizdirlər. Əsas odur ki, geodeziya sahəsi tələbatlıdır və bir
çox praktik məsələləri həll edir:
ü müxtəlif səviyyələrdə geodeziya məntəqələrinin
şəbəkəsini yaratmaq və bununla dövlət koordinat sistemini formalaşdırmaq,
topoqrafik çəkilişlərdən kartoqrafik işlərdə istifadə etmək;
ü xəritələrin və topoqrafik
planların hazırlanması;
ü maddi istehsal obyektlərinin
inşasında geodeziya proseslərini təmin etmək;
ü qrunt deformasiyalarının, torpaq
uçqunluqlarının, bünövrə qabığının və tikinti konstruksiya kreninin geodeziya
üsulları ilə müəyyənləşdirilməsi;
ü mədənlərdə, karxanalarda və
poliqonlarda yeraltı və açıq dağ işlərinin aparılması üçün
geodezik-markşeyder xidmətləri;
ü təbii ehtiyatların və faydalı
qazıntıların tədqiqi və kəşfiyyatı;
ü yer quruluşu və kadastr uçotu
aparmaq;
ü bütün təyyarələrin, gəmilərin və nəqliyyat
vasitələrinin yer, hava, quru və dəniz naviqasiyasını təmin etmək.
Geodeziyanın
strukturu
İnsan fəaliyyətinin
müxtəlif sahələrdə təkmilləşməsi, elmi, texniki və texnoloji tərəqqi ilə
geodeziya elmi inkişaf etdi. Daxilində yeni istiqamətlər meydana gəldi. Buraya
problemlərini həll edən bir çox elmi və praktik sahələr daxildir. Bura aiddir:
§ ali geodeziya (nəzəri);
§ tətbiqi (mühəndis) geodeziya;
§ kartoqrafiya;
§ fotoqrammometriya;
§ geodeziya astronomiyası;
§ kosmik geodeziya;
§ hərbi topoqrafiya;
§ dəniz geodeziyası;
§ markşeyder işi;
§ qravimetriya;
§ geodeziya avadanlıqlarının
hazırlanması;
§ ölçü vahidliyinin metroloji təminatı.
Geodeziyanın digər
elmlərlə əlaqəsi
Hazırda
onlar o qədər genişdir ki, hamısını sadalaya bilmərik. Şübhəsiz ki,
geodeziyanın meydana gəldiyi və qırılmaz əlaqəsi olan ilk elm həndəsədir.
Sonra, geodeziyanın təmasda olduğu bütün digər ümumi fənləri sadalayaq:
Geoid |
o riyaziyyat (hesablama, həndəsə);
o astronomiya;
o coğrafiya;
o fizika (mexanika, optika);
o geofizika;
o geologiya;
o fotoqrafiya
o topoqrafik təsviretmə;
o informatika;
o coğrafi informasiya sistemləri;
o kartoqrafiya;
o kompüter sistemləri.
Geodeziyada hüquqi
münasibətlər
Geodeziyada
onlar federal qanunların, kodların, konsepsiyaların, fərmanların, dövlət və sənaye
standartlarının, əmrlərin, göstərişlərin, qaydaların, normaların və qaydaların
bir çox hüquqi aktları əsasında fəaliyyət göstərirlər.
Mənbə: geostart.ru
Tərcümə edən: Rövşən Nəzərov
Комментариев нет:
Отправить комментарий