Son dövrlər
oxuduğum ən maraqlı kitablardan biri Həsən Quliyevin “Arxetipik azərilər:
mentaliletin simalar” kitabı oldu. Kitab Azərbaycanda yaşayanların daha dəqiq
desək, azərbaycanlıların sosial psixologiyasını, milli mental dəyərlərini, onun
tarixi səbəbləri və cəmiyyətdəki təzahürünü göstərir. Kitab bu məsələyə hər
hansı bir yenilik gətirməkdən çox, bildiyimiz şeyləri bizə söz olaraq gösətərir
və bununla da cəmiyyətimizi kənardan izləməyə imkan verir. Arxetiplər haqda çox
kitab olsa da Azərbaycandakı arxetiplər haqda kitabın azlığı kitabı həm dəyəerli,
həm də primitiv edir. Bəlli məsələ ki, yazıçı özü ancaq öz gördüklərindən yazır
və tez-tez bir çox şeyi nəzərə almadan nəticə çıxarır, səbəbləri araşdıranda müəyyən
yanlışlıqlara yol verir. Eləcə də yazıçı özü burada məlumatlandırdığı qədər də
cavabını tapmağı bizə buraxan suallar qoyur. Amma eyni zamanda, arxetiplər
haqda alternativ kitab görmədiyim üçün (təxmin edirəm ki, heç yoxdur da) bir o
qədər də dəyərlidir.
Kitabın
başlıqlarından biri “Zibil” adını daşıyır və bu başlıq altında zibilin azərbaycanlılar
üçün olan mənasını izah etməyə çalışır. Orada səslənən çoxsaylı fikirlərdən ən
bəyəndiyim və diqqət çəkmək istədiyim fikir isə budur: Azərbaycanlılar üçün
zibil özü də 2 yerə ayrılır, biri öz evində olan zibildir, digəri isə evindən kənarda
olan zibil. Onun evində olan zibilə çox diqqət ayırır, onu axtarır, toplayır və
evindən kənarlaşdırır, çöldə olan zibil isə onun denək olar ki vecinə deyil,
buna görə də o zibili yerə atmağa nə pis bir hərəkət kimi baxır, nə də onun
ekologiyaya verdiyi ziyan barədə düşünür. Qısa desək, zibil onun evindən kənarlaşanda
diqqətəlayiq bir şeydən əhəmiyyətsiz bir şeyə metamorfoz edir.
Bu iki fikir, həm cəmiyyətimizin elə də gizli
olmayan, lakin get-gedə problematikləşən bir xüsusuiyyətinə diqqət çəkir. İlk dəfə
müəllimimdən eşitdiyim belə bir fikri də dilə gətirim: Azərbaycan bir millət
olaraq hər şeyə individualist yanaşır, bu özünü xüsusən də idmanda yaxşı göstərir.
Bir güləşçimizin və ya boksçumuzun adı regional və ya dünyəvi yarışlarda hər il
ən azı ilk üçlükdə çəkilirsə, futbol, voleybol, beysbol kimi komanda
oyunlarında adımız çox nadir hallarda çəkilir. Bu müşahidə bizim millət olaraq
təkcə, individualist yox, həm də müəyyən qədər eqoistdirlər. Komanda şəklində
oynamağı bacarmamaq komandadaxili fərdlərin bir-birini anlamaması və ya
bir-biri ilə empatiya qura bilməməsi ilə izah olunur və buna görə də komanda
yarışlarında yaxşı nəticələr gösətər bilmirik. Analoji qaydada hər bir fərd öz mülkiyyəti
daxilindəki təmizliyi qorusa da, ictimai məkanlardakı təmizlik onu narahat
etmir. Hətta onu nəinki təmizləmək, hətta çirkləndirməkdə belə “oranı təmizləmək
üçün pul alanlar var” arqumentini və ya “mən yerə zibil atmasam o ümumiyyətlə
işsiz qalar” zarafatını ortaya atanlar var. Gördüyüm qədəri ilə şəhər yerlərində
bu qaydanın bəzi – bloku təmizləmək, küçədə bitkilər əkmək, skamyaları düzəltmək
kimi pozulma əlamətləri var. Lakin bu əməlləri də əgər edən olursa da, adətən məhlədə
bir insan olur. Bir cəmiyyətin düzgün formalaşması və inkişaf etməsi üçün,
orada eqoist və altruist fərdlərin nisbəti ağlabatan olmalıdır. (yəni ideal
halda 50/50 nisbətində, elə olmasa belə ona mümkün qədər
yaxın nisbətlərdə) Çünki, cəmiyyətdəki eqoist fərdlər inkişafa can atacaqsa,
altruist fərdlər də onlara və ümumiyyətlə hamıya kömək edəcək. (altruist deyəndə
Frommun dediyi gizli eqoist olan altruistləri nəzərə almadan deyirəm) Sanki,
altruistlər cəmiyyətdə eqoist fərdləri bir-birinə bağlayan yapışqan rolunu
oynayır və belə olan halda cəmiyyət inkişaf edir. Yox əgər cəmiyyətdə altruist
fərdlərin sayı az olsa və ya ümumiyyətlə heç olmazsa, bu zaman cəmiyyət
parçalanır, həm milli, həm etnik, həm dini, həm də iqtisadi ayrıseçkilik və təbəqələşmə
yaranır. Altruizm təkcə özünü başqaları üçün qurban vermək də deyil. Termin
Öqyüst Kont tərəfindən yaradılanda buna belə izah vermişdi, lakin bu termin
sonra daha da inkişaf etmiş, altruizmin səbəbləri (yuxarıda dediyim biridir) və
xüsusiyyətləri daha dərinləşdirilmişdir. Xüsusən də, Frommun “Özünə ziyan verməyən
qədər yaxşılıq edənlər əsl altruistlərdir.” fikri, ümumiyyətlə altruizmi mənim
üçün eqoizmə yaxınlaşdırdı. Eləcə də, altruizm digərləri ilə empatiya qurmaq
bacarığı ilə paralel hallanır və bu da altruistlərin niyə belə olduqlarını
anlamağa yardım olur. Bununla yanaşı, komanda ola bilməməyimizin başlıca səbəbi
individualist olmağımızdır. Əlbəttə individualist olmaq özünü anlamaq üçün
yaxşı şeydir, lakin cəmiyyətin inkişafında kolektivizm vacib şərtdir.
Bu qədər uzun danışmağımın əsas məqsədi isə cəmiyyətimizin
inkişafı üçün altruistlərin, kollektivizmin artmasına ehtiyac vardır, deyə
düşünürəm. Bunu yaratmaq üçün isə uşaqlardan başlamaq lazımdır, minimum onların “Bənövşə”, “Gizlən paç”
kimi oyunları oynamamasına ehiyacları var. Uşaqların bir-birinə qarşı mübarizə
aparıb dağıtdıqları yox, bir yerdə işləyib yaratdıqları oyunlar onlarda
bir-birinə qarşı empatiya hissini aşılaya bilər. Bu zaman təkcə şəxsi mülkiyyət
yox, ictimai mülkiyyət də bizi “narahat” edən məsələ olacaq.
Müəllif: Rövşən Nəzərov
Комментариев нет:
Отправить комментарий