Optik teodolit |
Teodolit üfüqi və şaquli bucaqları müəyyənləşdirmək üçün
geniş yayılmış ölçü cihazıdır. Tikinti işlərində, geodeziya tədqiqatlarında və
topoqrafik çəkilişlərdə istifadə olunur. Onun köməyi ilə, dəqiqələrlə (red.
Bucaq dəqiqələri - dərəcənin 60 da 1 hissəsi olan həndəsi vahiddir. Eləcə də,
saata uyğun olaraq onun da 6 0 da 1 hissəsi saniyə hesab olunur.) şaquli və üfüqi bucaqları müəyyən edə bilərsiniz.
Cihazın ayrı modifikasiyaları cihazın qabiliyyətini artıran və obyektlərə olan məsafəni təyin etmək üçün istifadə etməyə imkan verən uzaqlıq ölçən aparatla təchiz edilmişdir. Bu konstruksiya əsasında, əsas konfiqurasiyanın istifadəsinin daha az uğurlu olacağı müəyyən çəkiliş şəraitinə uyğunlaşdırılmış digər qurğular hazırlanmışdır.
Teodolitlərin növləri
Dəqiqliyinə görə teodolitlər 3 yerə ayrılır:
1. Yüksək dəqiqlikli
2. Dəqiq
3. Texniki
Yüksək dəqiqlikli teodolitlərdə 1″-ə (1
saniyə) bərabər və ya daha az bir ölçmə xətası olur. Bu tikintisində yüksək dəqiqlik
tələb olunan obyektlərdə istifadə olunan bahalı avadanlıqdır. Nadir hallarda
istifadə olunur, çünki teodolit tərəfindən yerinə yetirilən işlərin çoxu belə
yüksək dəqiqliyi tələb etmir.
Dəqiq teodolitlərdə 10″-dən çox
olmayan xəta olur. Bu cür cihazlar çox təlabatlıdır. Satışda olan cihazların
böyük əksəriyyəti məhz belə xətaya malikdir.
Elektron teodolit |
Texniki teodolitlərdə 60″-ə qədər
ölçmə səhvi ola bilər. İlk baxışdan bu çox böyük rəqəm kimi görünür, amma böyük
dəqiqliyin o qədər də vacib olmadığı obyektlər də var. Bu cür qurğular yalnız
az mərtəbəli tikintilərdə istifadə edilə bilər. (red. Tikintisinə icazə tələb
olunmayan obyektlərin tikintisi, eləcə də gələcək mütəxəssislərə praktika
zamanı belə cihazların istifadəsi geniş
yayılmışdır.)
Teodolit
qədim bir cihazdır, buna görə də oxşar əməliyyat prinsipinə sahib olan, lakin
struktur baxımından bir-birindən fərqli olan bir neçə modifikasiyanın olması təəccüblü
deyil.
Teodolit aşağıdakı növlərə ayrılır:
·
Optik
·
Elektron
·
Lazer
Optik teodolit ilk icad edildi.
Onun iş prinsipi linzasına şkala çəkilmiş baxış borusundan istifadə etməkdir.
Şkalaya vasitəsi ilə tədqiqat obyektinin şaquli və ya üfüqi nöqtələri
arasındakı bucağa əsasən yerinin təyin edilməsi həyata keçirilir.
Lazerli teodolit |
Elektron teodolitlər maye kristal
ekran və sensor sistemi ilə təchiz olunur. Quraşdırıldıqdan və bucağı ölçmək
lazım olan nöqtələrə təyin edildikdən sonra bucağı müstəqil olaraq müəyyənləşdirir
və ekranda rəqəmsal dəyərlə göstərilir. Bu, operatorun işini minimuma endirir,
çünki optik cihazların istifadəsindən fərqli olaraq, şkalaya diqqətlə baxmağa
ehtiyac yoxdur.
Lazerli teodolitlər ölçmə obyektində görünən lazer
şüası ilə nişanlayan cihazla təchiz olunmuşdur. Operator onu lazımi iki nöqtədən
keçməsi üçün ayarlayır. Cihazın özü avtomatik olaraq lazer şüasının parıltısı
olan meyl bucağını müəyyən edir. Bu cür qurğular məhdud diapazona malikdir,
çünki lazer şüası çox yayıla bilmir. Belə qurğular tikinti işlərində istifadə
olunur. Sütunlar quraşdırması və körpülərin tikintisi üçün xüsusilə əlverişlidir.
Ən sadə
teodolit necə işləyir?
Ən sadə və
etibarlı konstruksiyası optik teodolitlərdir. Onların əsas komponentləri
bunlardır:
v Altlıq
v Korpus
v Baxış borusu
v Nişanlama üçün tənzimləmə vintləri
v Silindrik hissə (baxış boruları
ora bərkidilir)
v Teodolitin alt hissəsinə yerləşdirilən
ipdən asılı sərbəst yük
v Ölçmə mikroskopu
Cihazın
korpusu altlığa quraşdırılmışdır. Üzərində ölçmə mikroskopu və onunla birləşdirilmiş
baxış borusunu saxlayır. Ölçmə obyektinə hədəf qoya bilməyi üçün hərəkətlidir.
Ayrıca cihaz iki səviyyəlidir - silindrik və ipdən asılı sərbəst yük. Birincisi
üfüqi, ikincisi isə şaquli vəziyyəti müəyyən etmək üçün istifadə olunur.
Teodeolitin linzasındakı tor |
Baxış
borusu cihazdan müəyyən bir məsafədə yerləşən obyekti müşahidə etmək üçün
istifadə olunur. Boru obyekti 15-50 dəfə böyüdür. Obyekt nə qədər yüksəkdədirsə,
cihaz da daha uzaq məsafədə yerləşdirilə bilər. Tor çəkilən baxış burusunun göz
qapağına obyektiv quraşdırılmışdır. Şüşə üzərində etibarlı çəkilib, silinmir.
Bahalı avadanlıqlarda tor boyanmır, oyma üsulu ilə çəkilir.
Tor tənzimləmə
zamanı teodoliti istiqamətləndirmək üçün istifadə olunur. Tədqiqat obyektində
üfüqi və şaquli istiqamətdə maraq nöqtələrinin qoyulması məhz buna görədir. Əlbətdə
ki, bundan əvvəl cihaz səviyyəyə uyğun olaraq qurulur, çünki quraşdırılması
zamanı təhriflərin olması hətta təxmini dəqiqliklə belə məlumat əldə etməyə
imkan vermir.
Səviyyələr
ölçmə işinə başlamazdan əvvəl cihazı quraşdırmaq üçün hazırlanmışdır. Onların
köməyi ilə korpusun üfüqi və şaquli tənzimlənməyə nə qədər uyğunlaşdırıldığı müəyyənləşdirilir.
Adətən, cihazlar olduqca dəqiq olan silindrik səviyyələrlə təchiz olunmuşdur.
Daha büdcəlı və ya yüngül avadanlıqda dəyirmi səviyyədən istifadə olunur.
Nivelir |
Dəyirmi
bir səviyyədə cihazı taraz yerləşdirmək üçün hava qabarcığının qabcığın mərkəzində
olmasına çalışmaq lazımdır. Cihazın tarazlaşdırılmasına tripod şəklində
pozisiyası dəyişdirilə bilən altlıq imkan verir. Tripodun ayaqları olmadan
birbaşa cihazı çınqıl və ya digər etibarsız səthə qoymamaq məsləhətdir.
Teodolitin
vacib elementi optik cihaz və ya mikroskopdur. Böyük yaxınlaşdırma dərəcəsinə
sahibdir və ayırıcı tor şkalası şəbəkəsi ilə təchiz edilmişdir. Bu dərəcə və dəqiqələri
göstərir. Daha dəqiq cihazlar saniyələri də göstərir. Bir optik cihaz limb
(snayper nişangahındakı kimi çevrə onun mərkəzində “+” işarəsi) adlanan şkala
istifadə edir. Baxış borusundakı tor tərəfindən sabitlənmiş iki nöqtə
arasındakı meyilliyi dəqiq təyin etməyə imkan verir.
Teodolitin nivelirdən fərqi
Fototeodolit |
Tez-tez
teodolit nivelir ilə səhv salınır, çünki görünüşünə görə onlar bir-birinə çox
oxşayırlar. Əslində bu cihazları ayırmağa imkan verən bir sıra fərqlər var. Əvvəla,
məqsədləri ilə fərqlənirlər. Teodolit bucaqları, nivelir isə şaquli yüksəkliyi
müəyyən etmək üçün istifadə olunur.
Hər iki
cihaz da torla lazımlı nöqtələri seçən operator tərəfindən idarə olunan oxşar
ölçü sistemi ilə təchiz olunmuşdur. Teodolitdə baxış borusu üfüqi və şaquli
istiqamətlərdə, nivelirdə isə yalnız üfüqi istiqamətdə hərəkət edir.
Teodolit
köməkçinin yardımına ehtiyac duymur. Bu cihazla işləmək, operatorun meyl
bucağını ölçə bilməsi üçün obyektdəki nöqtələrlə orientasiya ola bilməsinə
kifayət qədər görmə ehtiyacı tələb edir. Nivelir üçün uzun xətkeşi dik vəziyyətdə
tutacaq, birbaşa baxış borusunun görünən hissəsində durmalı olan bir köməkçiyə
ehtiyacınız var.
Dar ixtisaslaşmış teodolitlər
Əslində,
teodolit demək olar ki, istənilən mühitdə bucaqları ölçə bilən universal
cihazdır. Bununla belə, müəyyən məqsədlər üçün rahatlığı təmin edən inkişaf
etdirilmiş yüksək səviyyəli konstruksiyalar hazırlanmışdır. Bu cür qurğular
universallığını itirir, lakin bir sıra üstünlüklər qazanır.
Heroteodolit |
Fototeodolit
Eləcə də
kinoteodolit də deyilir. Bu cihaz teodolit və fotokameranın funksiyalarını birləşdirir.
Onun köməyi ilə maraq obyektinin bucağının fotoşəkilləri çəkilir. Fototeodolitlər
sınaq zamanı uçan aparatların koordinatlarındakı xətaları düzəltmək üçün də
istifadə olunur. Fotoqrafiya avadanlıqları sahəsində müasir texnologiyaların
inkişafına baxmayaraq, fototeodolitlər yalnız rəqəmsal kameralar şəklində
deyil, həm də kinolentliləri də istehsal olunur.
Heroteodolit
Tunellərin
və mədənlərin inşası zamanı oriyentasiya tapılmasının həyata keçirildiyi
heroskopik bir cihazdır. Artıq hərbi topoqrafiyada da geniş istifadə olunur,
azimutun istiqamətini təyin edilir. İş prinsipinə görə bu qurğu herokompasa bənzəyir.
Mənbə: tehpribory.ru
Tərcümə
edən: Rövşən Nəzərov
Комментариев нет:
Отправить комментарий