Unutmayın,
su şəhərin düşmənidir! Sudan hər cür problem yaranır: səkiləri və küçələri
dağıdır, yollarda palçığa, piyadalarda isə pis əhval-ruhiyyəyə səbəb olur.
Qışda isə səkilərdə buz qatının yaranmasına səbəb olur və piyadaların normal hərəkət
etməsini mümkünsüz edir. Buna görə şəhərin vəzifəsi küçələrdən yağış suyun
mümkün qədər tez kənarlaşdırılmasına nail olmaqdır.
Rusiyada (eləcə də, Azərbaycanda,
xüsusilə Bakı şəhərində)
yağış sularının kənarlaşdırılması (yollarda drenaj sistemi) bu gün böyük bir problemdir.
Köhnə SSRİ-dən qalma yağış kanalizasiya sistemi əksər hallarda dağılmış, dolmuş
(tıxanmış) olur və yaxud yükün öhdəsindən gələ bilmirlər. Yeni tikilmiş
yollarda, qəsəbələrdə, yaşayış massivləridə drenaj sistemi yoxdur. Bizdə
ümumiyyətlə elə fikirləşirlər ki, yağış suyu necəsə öz yolunu tapıb harasa
axacaqdır. Nəticədə, hətta
kiçik yağışdan sonra belə kanalizasiyalar dolur, yeni yollar və səkilər
dağılır, hər yerdə palçığa, kiçik su gölməçələrinə səbəb olur.
Niyə
bu baş verir? Axmaqlar və qənaət.
Bir tərəfdən, bizdə şəhərsalmadan anlayışı olmayan, ümumiyyətlə tikintisinə
icazə verilmiş layihələrin gələcəkdə istismarı haqqında düşünməyən sifarişçilər
vardır. Digər tərəfdən isə daha çox yeyinti etmək istəyi. Yeni bir küçə tikintisi zamanı nədə yeyinti edə bilərsiziniz? Axı,
yollara asfalt döşəməmək və ya xətlənməni etməmək olmaz - hamı dərhal fərqinə
varacaq. Ancaq drenaj sistemlərini etməmək də olar. Çünki bu vizual olaraq gözə
görünmür.
Bu
gün başqa ölkələrdə drenaj probleminin necə həll olunduğunu nəzərinizə
çatdırmaq istərdim. Bəlkə icra başçılarımızdan biri bu barədə düşünəcək və Rusiyada ən azından bir nümunəvi
şəhər və yaxud rayon olacaqdır.
Deməli,
şəhərə yağış yağdı və suyu kənarlaşdırmaq lazımdır. Şəhərdən kənarda bizə aydındır
ki, torpaq yağıntının böyük bir hissəsini özünə çəkir və təbii yolla su kənarlaşır.
Ancaq şəhərdə hər yer asfalt və beton örtüyü olduğu üçün bu mümkun olmur.
Kanalizasiya sistemi istifadə edərək suyu kənarlaşdırmaq lazımdır və bütün bu
yağış suyu birbaşa olaraq yönləndirilir şəhər kanalizasiya sisteminə.
Burda
bir neçə problemlə qarşılaşırıq:
-Ənənəvi
yağış kanalizasiya sistemlərini qurmaq çox bahadır.
-Yağış
kanalizasiya sistemləri, əksər hallarda, xüsusilə də yağış güclü olduğu halda
bu yükün öhdəsindən gələ bilmir.
-Küçələrdən
su palçığı, qumu, yarpaqları və digər zibili yuyub kanalizasiya sisteminə
aparır. Bütün bunlar kollektorları tez bir zamanda bağlayır və sistemin
effektliliyini azaldır.
-Yağış
kanalizasiya vasitəsi ilə küçələrdən zərərli maddələr çaylara və dənizlərə də
daxil olur.
Bunlar
ağır metallar, avtomobillərdən axan mayelər (yağ, benzin) və digər zibillər
aiddir. Yağış kanalizasiya sistemlərində belə zərərli maddələri sudan təmizləyib
ayırmaq baha başa gəlir.
Uzun
zaman drenaj məsələsi bu cür həll edilirdi: yeraltı yağış kollektorları
qurulurdu, Ninja
Tısbağalar
orada yaşayırdı və hər şey yolunda idi.
Ancaq
son on ildə tendensiyalar
dəyişdi …
İlk
böyük nümunələrdən biri Filadelfiyadadır. Şəhərin köhnəlmiş kanalizasiya
sistemi tez-tez yağan yağışların öhdəsindən gələ bilmədi, buna görə də şəhər
çox vaxt böyük su nohuruna
çevrilirdi. 2006-cı ildə Filadelfiya Su Təchizatı İdarəsi qərara gəldi ki,
artıq bu infrastrukturu genişləndirməyi dayandırmağın vaxtıdır və yeni yaşıl
infrastruktura investisiya etmək lazımdır. Əgər torpaq örtüyünü şəhərə
qaytarmaq mümkündürsə, sonsuz şəkildə qazıntı işlərinə, boruların və filtrlərin
dəyişdirilməsinə niyə əmək sərf edilsin ki? Məlum oldu ki, bu həm də iqtisadi cəhətdən
sərfəlidir: yaşıl infrastrukturun yaradılması 25 il ərzində 2,4 millyard dollar
tələb edəcək, ənənəvi infrastruktur isə 8 milyard.
Beləliklə
"Yaşıl şəhər, təmiz su" proqramı yarandı. 2006-cı ildən etibarən
Filadelfiyada qanuni olaraq nəzərdə tutulmuşdur ki, sahəsi 1500 kvadratmetrdən
çox olan hər hansı yeni tikinti layihəsində yağıntının miqdarı 30 mm-ə qədər qəbul
edə bilən yaşıl sahələr olmalıdır. Bu kifayət edər ki, köhnəlmiş şəhər
kanalizasiya sisteminə ehtiyac olmasın.
O
vaxtdan bu yana şəhərdə aktiv şəkildə yağış suyu qəbul edən yaşıllıqlar, yaşıl
damlar, süni şəkildə yaradılan bioloji bataqlıqlar tikilir. Asfaltın təxminən
30 %-i su keçiriciliyi olan yol örtükləri
ilə əvəz edilmişdir və həmin yol örtükləri burada 1977-ci ildə
Franklin Universiteti
tərəfindən Filadelfiyada icad edilmişdir. Yollar boyunca alt hissəsindən su
keçirən geotekstil ilə örtülmüş, daş və ya çınqıl ilə doldurulmuş və üzərindən
isə torpaq və ağaclarla kamuflyaj edilmiş, xəndəklər şəbəkəsi meydana gəlmişdir.
Bunun sayəsində şəhər tamamilə dəyişdi, fotonun sağ (əvvəl) və sol tərəflərini (sonra) müqayisə edin:
Son
beş il ərzində Filadelfiya şəhərinin kanalizasiya sisteminin yükü təxminən 30 % azaltdı. Yaşıl infrastruktur gözlənilənləri
üstələdi və ABŞ Ətraf Mühitin Mühafizəsi Agentliyi (EPA) onu qlobal Storm Water
Management Model (SWMM) proqramının bir hissəsi etdi. SWMM, dünyada istifadə
olunan Yağış sularının idarə olunması ilə əlaqəli layihələrin planlaşdırılması,
təhlili və inkişafı üçün kompüter əsaslı bir modeldir. Onun köməyi ilə Amerika
dünya ölkələrinə yaşıl infrastruktura keçməyə kömək edir. Layihələrin həyata
keçirildiyi ölkələrə Avstraliya, Fransa, Böyük Britaniya, Norveç, İsveç,
Finlandiya və s. kimi ölkələr daxildir.
Şəkil: phillywatersheds.org |
Əslində
layihənin həyata keçirilməsi olduqca sadədir:
Yağış bağçaları.
Bu ərazilər şəhər daxilində ot və kolların əkildiyi, çirklənmiş bir mühitdə
mövcud olmağa uyğunlaşdırılmış ərazidir. Onlardan istifadə etməklə suyun dövriyyəsini süni surətdə yaratmaq olar: yağıntılar torpaq - onları zəhərli maddələrdən təmizləyəcək və yeraltı
su ehtiyatını artıracaq təbii bir filtr tərəfindən əmilir.
Qrönobl. Şəkil: green-city.su |
Bu
“bitki qutuları”
səki səviyyəsində, bordürlərin
ardınca gələrək onları tamamlaya bilər …
Şəkil: phillywatersheds.org |
Şəkil: phillywatersheds.org |
Eləcə də, səki səviyyəsindən
aşağıda da yerləşə bilər.
Belə
çökəkliklərə yağış qabları deyilir.
Şəkil: phillywatersheds.org |
Bu,
İsveçin Malmö şəhərində yeni bir küçədir və burada sistemin necə işlədiyini
aydın görə bilərsiniz. Hər 20 metrdən bir bu yağış qabları düzəldilmişdir. Üç
bölmədən ibarətdir.
Birinci
bölmə yoldan su axır. Bu ən çox çirklənmiş su sayılır. Burada irili-xırdalı
zibil barmaqlıq vasitəsilə təmizlənir, məsələn yarpaqlar, qum bu rezervuarın
dibində çökür. Artıq təmizlənmiş su bitkilər olan böyük bir əraziyə daxil olur.
Daşqın
olma
ehtimalına
nəzərə alaraq
şəhər kanalizasiya sisteminin barmaqlıqları nəzərdə tutulmuşdur.
Bütün
bu cür problemlərin həlli prinsipcə eynidir. Budur başqa bir variant:
Şəkil: phillywatersheds.org |
Ümumiyyətlə
belə yağış suyu qəbul edən ərazilərdə torpaq qarışığı 50 % qum, 20-30 % kompost (bitki və heyvan
qalıqlarından əmələ gələn gübrə) və digər 20-30 % isə münbit torpaq qatından ibarətdir. Suyun
kanalizasiyaya deyil, yağış bağçalarına axması üçün şəhər daxilində suyu lazım
olan yerə yönəldən xüsusi drenaj sistemləri və kanallar qurulmuşdur.
Yığılmış
suyu torpaq qəbul edə bilmədikdə və ya su icazə verilən hədləri aşdıqda, hər
yağış bağçasında artıq suyu kənarlaşdırmaq üçün bir sistem təmin edilir.
Adətən
torpaqdan təxminən 5 sm yüksəkdə yerləşdirilir. Onun vasitəsilə artıq su
kanalizasiyaya axıdılır.
Başqa
bir variant:
Çox
vaxt yağış bağçaları yol və səkilər arasında və ya yaşayış binalarının ətrafında
bölüşdürülmüş şəkildə inşa edilir ki, binaların damından axan suyu qəbul edə
bilsin.
Parisin yeni yaşayış massivlərindən biri |
Ümumiyyətlə, Parisdə yeni yaşayış massivlərində
belə bir sistem hər yerdə istifadə olunur.
Binaların girişi:
Yola yaxın olmayan, parkinq ərazilərində geniş bağlar yaradılır. Su isə yağış kanalizasiya
sistemi ilə yolun hərəkət hissəsindən buraya axır.
Şəkil: phillywatersheds.org |
Şəkil: phillywatersheds.org |
Bio-bataqlıq. Əvvəllər tamamilə asfalt və ya beton
örtüyünün döşənməsi şəhər üçün ideal landşaft sayılırdı. Bu gün artıq hər şey fərqlidir.
ABŞ və Avropanın küçələrində və həyətlərində süni bir relyef - bio-bataqlıqlar
yaradılır ki, yağış sularını ora yönəltməklə çirklənmiş suyun təmizlənməsi
mümkün olsun.
Fransanın Qrönobl şəhərində “La Caserne
de Bonne” kvartalında belə bir bio-bataqlığın gözəl bir nümunəsi var.
Bura isə Parisdir.
Sukeçirən
örtük. Əgər yaşayış
kvartalı sıx inşa edilmişdirsə, yağış bağçaları və bio-bataqlıqlar düzəltmək
üçün yer yoxdursa, o zaman sadəcə səki və yollarda sukeçirən örtük düzəltmək
olar. İki seçim var: ya xüsusi məsaməli bir asfaltdan istifadə etmək (bu üsul əsasən
yollar üçün istifadə olunur) …
Şəkil: phillywatersheds.org |
... ya da daş örtük çəkərkən, kərpic və ya plitələr
arasında kiçik boşluqlar qoymaq (suyun hərəkəti üçün bu üsul səkilər üçün daha əlverişlidir).
Şəkil: phillywatersheds.org |
Realda bu cür görünür, görünüşcə adi daş
örtükdən fərqlənmir:
Denver, Colorado. Şəkil: werf.org |
Bunun necə işlədiyinə baxın:
Daşlar arasındakı boşluqlarda qazon etmək
mümkündür - bu suyun süzülməsini yaxşılaşdıracaq və görünüşücə daha cəlbedici
görünəcəkdir: əsl canlı səkilər.
Şəkil: nacto.org |
Yaşıl
damlar. Kifayət qədər
boş ərazisi olmayan və ərazinin dəyəri çox yüksək olan yerlər üçün başqa bir
çıxış yolu, damları bitki örtüyü ilə örtməkdir. Filadelfiya üçün bu, yuxarıda
yazdığım qanunu nəzərə almaqla demək olar ki, universal bir həll oldu: şəhər
kanalizasiyanın köməyi olmadan 3 sm-ə qədər yağışın öhdəsindən gəlməlidir. Bir
nəzər yetirin:
Şəkil: philadelphiagreenroofs.com |
Şəkil: philadelphiagreenroofs.com |
Çox zaman drenaj borularına ehtiyac
olmur. Dam bağçası binanın üst mərtəbələrindəki mənzillərdə istiliyi qoruyur və
isitmə sisteminə qənaət etməyə imkan verir.
Şəkil: philadelphiagreenroofs.com |
Ancaq Stokholmun yeni yaşayış massivlərində
damlardan axan suyun necə istifadə edilməsi barədə başqa bir həll yolu
düşünülmüşdür. Burada yağış suyu xüsusi suayırıcı borular vasitəsilə
rezervuarlara yığılır və sonra suvarma üçün istifadə olunur. Suyun buxarlanmaması
üçün, rezervuarlara qoruyucu bir örtük quraşdırılmışdır.
Bəzən su rezervuarları yerə deyil, onun
altına qoyulur. Lazımi miqdarda rezervuarlar plastik bloklardan yığılır və
güclü yağışlar zamanı yollardan, səkilərdən, dayanacaqlardan və binaların damlarından
axan su orada yığılır. Artıq bu rezervuarlarındakı su tədricən yerin daxilində
torpaq tərəfindən udulur.
Şəkil: rosbiznes-nsk.ru |
Ümid edirəm ki, bir gün biz də yağış suyunu necə kənarlaşdıracağımızı
düşünməyə başlayacağıq və bunu düzgün edəcəyik!
Tərcümə edən: Şıxnəbi Şıxnəbiyev
Комментариев нет:
Отправить комментарий